Hoxe desde Alcanza Espazo Canino queremos falarvos dun tema que ás veces pode ser controvertido, os bozais. Imos repasar como utilizar estas ferramentas, cando empregalas e, sobre todo, como facer que sexan o menos disruptivas posible para os nosos peludos.
Para comezar, primeiro temos que falar dos aspectos legais (aínda que non compartamos esta visión), pero debemos coñecer aquilo ao que estamos obrigadas/os:
En primeiro lugar, segundo o Real Decreto 287/2002, do 22 de marzo, polo que se desenvolve a Lei 50/1999, do 23 de decembro, sobre o réxime xurídico da tenza de animais potencialmente perigosos. Artigo 8, punto 2: “Os animais da especie canina potencialmente perigosos, en lugares e espazos públicos, deberán levar obrigatoriamente un bozal apropiado para a tipoloxía racial de cada animal.”
Ademais da obrigatoriedade de que os “PPP” leven bozal en espazos públicos, tamén temos que ter en conta que, en determinados espazos públicos e establecementos privados, segundo o Artigo 29, punto 5: “As persoas responsables de animais de compañía que poidan acceder aos transportes e establecementos e lugares sinalados nos apartados anteriores, deberán levar ao animal conforme ás condicións hixiénico-sanitarias e respectando as medidas de seguridade que se determinen polo propio establecemento ou medio de transporte, así como a lexislación sectorial específica.”
Polo tanto, para acceder a determinados lugares, dependerá dese establecemento o uso ou non do bozal, independentemente de que o noso peludo estea cualificado como “PPP” ou non.
Agora que xa coñecemos o marco legal no que nos movemos, é hora de coñecer a ferramenta que é o bozal.
A fin de contas, é máis que un accesorio para impedir que o peludo poida morder ou inxerir algo que non debe. Como vimos, tamén poden usarse debido a un requisito da nosa sociedade. Neste sentido, poden ser necesarios para:
- Debido á lexislación (como mencionamos antes cos PPP).
- Evitar perigos para o can (inxestións perigosas).
- Viaxar en transporte público.
- Problemas de conduta cara a persoas ou cans.
- Manexo seguro do can (peluquería, veterinarios, etc.).
Agora que xa sabemos para que podemos necesitar un bozal, imos falar dos tipos que existen e profundar no tema:
1. Bozal de tea/nylon: É un dos máis usados e, lamentablemente, dos menos recomendados. Axústanse moito ao fociño, impedindo que o can poida abrir a boca. Isto imposibilita que jadee, o que é perigoso, xa que non pode regular a súa temperatura nin respirar correctamente. Para as persoas é moi cómodo, pois se o quitamos podemos dobralo e gardalo no peto. Se decidimos usalo, recomendámolo só para períodos curtos, como unha visita ao veterinario. Polo benestar do can, nunca o recomendaríamos.
2. Bozal de cesta (anti-inxestión): Recomendado para cans que comen todo o que ven polo chan ou se hai noticias na zona de “persoas que colocan veleno ou outros obxectos perigosos.” Estes bozais permiten que o can jadee e o protexen de posibles envenenamentos, polo que son unha boa opción.
3. Bozal de cesta aberta: É unha opción cada vez máis popular e, sinceramente, a que máis recomendamos. Permiten que o can jadee, beba auga e, nalgúns casos, ata se lles poden dar chuches. Existen marcas que os comercializan acolchados para maior comodidade ou de plásticos moldeables que se adaptan ao fociño.
4. Bozal de impacto: Son específicos para traballo policial, onde o can golpea en vez de morder. Son aparatosos e pesados, polo que non nos estenderemos neste tipo.
Moi ben, agora que coñecemos a ferramenta, é hora de falar de cómo utilizala. O primeiro será positivizala. Utilizaremos o luring para que o can introduza o fociño no bozal para coller un premio (chuche). Unha vez o faga sen problema, comezaremos a manipular as correas mentres seguimos premiando.
Unha vez poidamos poñerlle o bozal sen dificultade, traballaremos os tempos. Poñerémolo, premiaremos, e xogaremos a quitalo e poñelo con tempos aleatorios, empezando por períodos curtos e aumentando progresivamente.
Deste xeito, o can asociará o bozal con algo positivo e pode que ata lle guste, xa que significará tempo de calidade e traballo conxunto. A partir de aí, podemos comezar a usalo durante os paseos. Recomendamos facelo de forma progresiva: primeiro en rutas curtas e coñecidas, aumentando gradualmente a duración e explorando novos lugares.
Agardamos que esta publicación vos sexa útil e que, sobre todo, evite que os vosos peludos sufran ou teñan medo ao bozal.
Se o voso can xa usa bozal e se fai dano, ou se o bozal non ten acolchado, unha boa opción son os burletes que se venden para illar ventás. Son autoadhesivos, económicos e moi brandos, perfectos para poñelos no bozal segundo se vaian desgastando.
Forxando vínculos fortes, alcanzando metas xuntos.
Contacta connosco!
🔗 www.alcanzaespazocanino.es
📍 Lugar Ermelo 14A – Bueu (Pontevedra)
📞 629 03 75 66
